101 Great Goals in 2012 / 2013
Labinot Kabashi - Nga lufta e Kosovës, në yll të Barcelonës
Labinot Kabashi po i mahnit trajnerët e Barcelonës, me aftësitë e tij të jashtëzakonshme. Talenti shqiptar shihet si e ardhme e ndritshme e gjigantit katalunas, teksa luan me sukses në ekipin e të rinjve, Infantil B. 13 vjeçari nga Skenderaj mund të bëhet shqiptari i parë që shkel në Camp Nou, me fanellën e gjigantit katalunas.
Talentët shqiptarë e kanë vërshuar futbollin evropian, duke u shtuar dita ditës. Njëri prej tyre është edhe Labinot Kabashi, të cilit ia ka kushtuar një shkrim të veçantë e përditshmja spanjolle, El Mundo Deportivo.
Baba nga Kosova, nënë nga Finlanda dhe vendbanim në zemër të Katalunisë, në Bages, vendlindje e ish futbollistit të Barcelonës, Gabriel Garcia de la Torre, 'Gabri'.
Ky është kombinimi interesant i njërit prej talentëve më të mëdhenj të Barcelonës, Labinot Kabashi, mesfushor ofanziv i ekipit Infantil B.
Labinoti është lindur më 28 shkurt të vitit 2000 në Skenderaj të Kosovës, disa muaj pas përfundimit të luftës së fundit në atdheun e tij.
Lufta në Kosovë e kishte detyruar familjen e tij ta merrte rrugën e kurbetit, duke shkuar në Finlandë, për të përfunduar më pas në Kataluni.
Ai i ka nisur hapat e parë të futbollit në Sallent. Shpejt i është bashkuar ekipit të të rinjve të Gimnastic Manresa, një tjetër skuadër me një raport të mirë me Barcelonën, prej nga vinte edhe Pep Guardiola.
Në sezonin 2010-11, Kabashi kishte kaluar në ekipin Alevin D, të cilin e drejtonte Alex Gomez, ndërsa më pas kaloi në ekipin B të Jordi Font.
Më pas, ai kaloi në ekipin A të Marcel Sans, në prestigjiozen MIC de Fútbol 11, në të cilën ishte vendimtar në gjysmëfinale, pas një goli të shënuar ndaj Manchester Unitedit.
Këtë sezon, ai ka përmirësim në fizikusi e tij, ndërsa ka përparuar edhe në aspektin taktik dhe teknik, duke u bërë lojtar i rëndësishëm i Infantil B.
Në turneun e Aronas, ai shkëlqeu duke realizuar katër gola në finale ndaj Borussia Dortmundit, ndërsa kontribuoi edhe në goditjet e penalltive në gjysmëfinale ndaj Atletico Madridit.
Labinoti luan në mënyrë perfekte si 8-sh dhe 10-sh, ndërsa e godet topin me të njëjtën forcë dhe kualitet me të dyja këmbët.
Ai po ashtu mund t’i mbulojë edhe pozitat e sulmit. Ai shquhet për aftësitë e jashtëzakonshme, duke e lidhur me sukses mbrojtjen me sulmin.
Mirëpo, virtyti i tij kryesor është se ende është fëmijë dhe është lojtar që lufton në mënyrë të jashtëzakonshme.
Nëse ndonjë fëmijë dhe familja e tyre e meriton që të ëndërrojë që një ditë të shkel në Camp Nou si futbollist, ai është Labinoti.
Kosova mposhtet nga Gana pas penalltive
Përfaqësuesja U21 e Kosovës është mposhtur në raundin e parë të turneut ndërkombëtar “Valais Youth Cup” nga përfaqësuesja U21 e Ganës. Rezultati i rregullt ishte 2-2, por në penallti ganezët fituan me rezultat 4-5.
Përfaqësuesja jonë që në start të ndeshjes u gjend në disavantazh. Sulmuesi Assifuah e shfrytëzoi mirë gabimin e mbrojtës kosovare dhe shënoi për ta zhbllokuar rezultatin.
Pak më vonë, pas një aksioni të bukur të kosovarëve, Vedat Muriqi i barazoi shifrat me një gol të bukur. Ndërsa, heroi i kësaj ndeshje padyshim se ishte portieri jonë, Altik Muhaxhiri, i cili në çastet e fundit të pjesës së parë e mbrojti një penallti të kundërshtarëve.
Në pjesën e dytë përfaqësuesja jonë e nisi ndeshjen më mirë duke e kontrolluar tempon e lojës, por në mënyrë befasuese pësuan një gol nga goditja këndore. Realizuesi i këtij goli ishte Addico Princebell.
Por, nuk deshi shumë kohë që përfaqësuesja jonë ta barazonte rezultatin. Pas pasimit të bukur të Milot Rashicës, përball golit u gjend i posainkuadruari Musaj, i cili qëlloi fuqishëm për ta dërguar topin në rrjetë.
Me këtë rezultat përfundoi koha e rregullt e këtij takimi. Në penalltitë e ekzekutuara ganezët i qëlluan që të pestat, ndërsa për kosovarët Vedat Muriqi e humbi penalltinë e fundit dhe kështu nuk arritën të kualifikoheshin në finale.
Gana tani do të takohet në finale të kësaj gare me Brazilin, ndërsa Kosova do të ndeshet me Egjiptin për vendin e tretë.
Milani nuk veproi si duhej me Ambrosinin
Agjenti i Massimo Ambrosinit, Moreno Roggi, ka reaguar për mënyrën se si drejtuesit e Milanit e kanë ‘përjashtuar’ nga klubi klientin e tij.
Mesfushori italian iu bashkua Rossonerëve në vitin 1995 dhe përfaqësuesi i tij mendon se drejtuesit e klubit është dashur të vepronin më mirë kur dihej se 36-vjeçarit po i skadonte kontrata.
“Milani ka mundur të veprojë më mirë me situatën pas 18 vitesh së bashku”.
“Ai gjithmonë i ka refuzuar ofertat, është sjellë mirë në fushë dhe jashtë saj, prandaj shpresoj që Milani t’ia thotë një lamtumirë të vlefshme”, ka deklaruar agjenti për Radioblu.
Ambrosini është në bisedime për ta vazhduar karrierën te West Ham Unitedi.
Monako jep 100 milion euro për Kristiano Ronaldon
Monako vazhdon të bëhet protagonistja kryesore e merkatos së verës në Evropë, pasi tashmë ka hedhur sytë nga Kristiano Ronaldo. Sipas asaj që ka raportuar gazeta britanike “The Independent”, klubi francez është gati të paguajë 100.000.000 € për portugezin e Real Madridit, duke e kthyer atë në blerjen më të shtrenjtë të historisë së futbollit botëror.
Ekipi i multimiliarderit rus Dmitri Ribolovlev është kthyer në këtë sezon përsëri në elitën e futbollit francez dhe ka “festuar” arritjen me blerjen e shumë yjeve si Falkao, Mutinjo e Rodriguez, të cilët në total i kanë kushtuar rreth 120 milion euro.
Por miliarderi rus nuk tërhiqet dhe është gati të dyfishojë shifrën e shpenzimeve vetëm për të siguruar yllin portugez, për të ndërtuar një skuadër të frikshme që do të dominojë futbollin në Francë dhe në Evropë.
Për këtë arsye, lojtarit do t’i plotësohet ëndrra që nuk po bën realitet te madrilenët, një rrogë prej 20 milion eurosh në vit dhe 100% të përfitimeve nga e drejta e imazhit të tij. Në këtë mënyrë ata mendojnë të bindin futbollistin për të firmosur një kontratë katërvjeçare.
Në 18 muajt e fundit ka pasur kontakte midis Monakos dhe përfaqësuesve të lojtarit në Francë, ku mendohet se oferta për Ronaldon është 20.000.000 € në vit. Nëse transaksioni do të bëhej realitet, atëherë do të bënim me transferimin më të shtrenjtë në historinë e futbollit, duke superuar rekordin e vet personal të CR7 në kalimin nga Mancester Junajtid te Real Madridi për rreth 95 milionë euro
Goli i shenuar nga Valdet Rama Shqiperi vs Norvegji VIDEO
Është ndëshkuar në minutat e fundit kombëtarja e Shqipërisë, duke u larguar nga stadiumi “Qemal Stafa” në Tiranë me barazim 1:1 në ndeshjen e vlefshme për kualifikimet e kampionatit botërorë “Brazil 2014”.
Edhe pse në pjesën e parë ishte Shqipëria që avanconte me golin e Valdet Ramës, të shënuar në minutën e 41-të, përsëri nuk mundi t’i bëjë ballë lojës deri në fund dhe pranoi gol në fund të ndeshjes.
Për norvegjezët golin e barazimit e shënoi Hogli, në minutën e 87-të. Shqipëria kishte mundësinë e fitores edhe në minutën e fundit të kohës shtesë, por nga krosimi i Ramës, nuk kishte askush para portës vetëm për të prekur topin i cili kishte kaluar portierin norvegjez.
Pas fitores së Sllovenisë, Shqipëria lëshoi një super shans për të dalë në pozitën e parë për së paku 24 orë, por gjithsesi vazhdojnë të ruajnë pozitën e dytë dhe mbesin shpresat e kuqezinjve gjallë për një kualifikim të mundshëm për “Brazil 2014”, dhe të arrijë të prekë historinë e futbollit shqiptarë.
Mbesin edhe 4 ndeshje deri në fund të garave kualifikuese, ndërsa ja dhe duelet që do të ketë Shqipëria. Slloveni – Shqipëri (06.09.2013), Islandë – Shqipëri (10.09.2013), Shqipëri - Zvicër (11.10.2013) dhe Qipro – Shqipëri (15.10.2013). /Portalb
Goli i shenuar nga Valdet Rama VIDEOË
Edi Rama në Twitter: Pjesa e parë kryevepër, edhe 45 minuta rezistencë
Menjeherë pas golit të parë në ndeshjen Shqipëri-Norvegji, ka reaguar kryesocialisti Edi Rama, i cili ka uruar sërish Kombëtaren shqiptare pas golit të Valdet Ramës: "Bravo! Gol! Forca çuna".
Ai ka uruar edhe më parë një fitore të Kombëtares shqiptare në ndeshjen e sotme me Norvegjinë. Në faqen e tij në rrjetin social “Twitter”, Edi Rama i është drejtuar kuqezinjve, duke i kërkuar të bëjnë më të mirën në këtë ndeshje.
“Uroj shumë që sot kombëtarja të bëjë atë që të gjithë shqiptarët dëshirojnë. Sukses çunave kuqezinj dhe trajnerit tonë të mençur”, shkruan Rama.
Shqipëri 1-1 Norvegji, autor i golit Valdet Rama
Shqipëria nuk mundi të shfrytëzojë maksimalisht ndeshjen ndaj Norvegjisë, duke u ndarë në barazim 1-1. Stadiumi kombëtar “Qemal Stafa” ishte mbushur në kapacitetin e tij të plotë dhe dekori kuqezi ishte i mrekullueshëm, nga tifozët të ardhur nga të katër anët e botës, sidomos nga Kosova e Maqedonia.
Skuadra jonë kombëtare e udhëhoqi ndeshjen deri në fund, pasi shënoi që në pjesën e parë Valdet Rama, por pikërisht në 5 minutat e fundit, norvegjezët barazuan dhe takimi u mbyll 1-1, ku të dy ekipet morën nga një pikë shprese.
Edhe pse Kombëtarja priste me ankth ta fitonte takimin, ajo sërish ruan pozicionin në vend të dytë.
Shqipëri 1-0 Norvegji, shënon Rama
Shqipëria shënon ndaj Norvegjisë. Ylli golashënues është Valdet Rama, i cili ka shënuar në minutën e '41.
Stadiumi eshte i mbushur plot me tifozë, të cilët brohorasin duke shoqëruar më pas me thirrjet: "Shqipëri", "Shqipëri".
Tifozët janë të ardhur nga gjithë trojet shqiptare dhe shqiptarët e diasporës, e sidomos nga Kosova.
Shqipëria e lëshoi fitoren nga duart
Kombëtarja shqiptare e ka lëshuar fitoren nga duart, në një ndeshje të cilën e dominoi ndaj Norvegjisë sonte, me të cilën barazoi 1:1, në ndeshjen e zhvilluar në stadiumin Qemal Stafa.
Kuqezinjtë bindën me loje, duke krijuar më shumë raste, por e pësuan një gol kur më së paku duhej, në minutat e fundit.
Pas disa rasteve të mira të krijuara, shqiptarët e kanë gjetur golin në minutën e 41-të përmes debutuesit në një ndeshje zyrtare, Valdet Rama, i cili pasi e kaloi një mbrojtës kundërshtar, e mposhti me mjeshtri portierin kundërshtar.
Në vazhdim, Hamdi Salihi e ka qëlluar tërthorësen, pas një goditjeje me kokë. Ndërkaq, kur tifozët e flaktë nga të gjitha viset shqiptare po bëheshin gati ta festojnë fitoren e dyfishtë ndaj ekipit skandinav, mbrojtësi T. Hogli barazoi gjithçka me kokë në minutën e 87-të.
Përkundër barazimit, Shqipëria vazhdon ta ndjek pozitën e dytë, e cila qon në barazh. Kuqezinjtë kanë grumbulluar 10 pikë, pas gjashtë ndeshjesh të zhvilluara.
Duhet cekur se te Norvegjia u paraqit në pjesën e dytë futbollisti shqiptar Valon Berisha, ndërsa Ardian Gashi nuk u paraqit fare në lojë.
Plisat, kanë ndezur sot pasdite Durrësin VIDEO
Grupi i tifozëve nga Prishtina, Plisat, kanë ndezur sot pasdite Durrësin ku po qëndrojnë për t’u nisur pas pak drejt Tiranës.
Ata këndojnë njëzëri në shkallët e hotelit ku po presin këngën:
“Në luftë të re, në luftë të re,
vetëm preje preje shkaun ti,
se unë këndoj, për ty luftoj,
SHQIPËRI oj nana jonë.”
Kenga e cila eshte shendrruar në ‘himne’ e tifozeve kuq e zi VIDEO
Kënga e Shpend Latifit në bashkepunim me Opium është shëndërruar në ‘himnin’ e tifozëve kuq e zi të cilët e kanë shpërndarë jo pak në faqet sociale në pritje të përballjes me Norvegjinë.
Kjo video dhuron emocione dhe përmbledh të gjitha ndjësit e tifozëve në këtë rast unik për arritjen e kuqezinjve.
-
Një flamur gjigant kuqezi do ta “pushtoj” Qemal Stafan
Rezultatet në rritje të kombëtares shqiptare kanë ngrohur zemrat e tifozerisë durrsake. Prej një jave disa qindra punonjëse të një rrobaqepësie kanë punuar për realizimin e flamujve që do të veshin kuqezi stadiumin “Qemal Stafa”, në pritje të ndeshjes që do të ndiqet me interes të madh në të gjithë hapësirën shqiptare dhe më gjerë. Flamuri kryesor është i gjatë 60 metra dhe i gjerë 40 metra, me një peshë totale prej afro 400 kg.
Ai do të vendoset mbi tribunën kryesore të stadiumit, ndërkohë që vazhdon me intensitet përgatitja e dy flamujve të tjerë në përmasat 120 metra të gjatë dhe 2 metra të gjerë.
Pritshmëria për këtë ndeshje në Durrës, ashtu si në të gjithë vendin është mjaft e lartë për shkak të qenies pranë një kualifikimi historik për në Botërorin Brazil 2014.
Piques i’a “ngjiti” prapa Ibraimovicit
Gerard Pique i është kthyer për një moment dashurisë së vjetër. Kështu së paku tregon një foto e kapur në ndeshjen PSG-Barcelona.
Ylli katalonas kishte patur një moment të vogël “dashurie” me Zlatan Ibrahimovicin. Pique nga mbrapa e kishte prekur Ibrën, ndërsa ylli suedez lart kishte filluar ta ledhatoj atë.
Dy lojtarët ishin të përfolur për “simpatinë” ndaj njëri tjetrit, edhe sa të dytë ishin lojtarë te Barcelona.
Goli i javës në La Liga
Padyshim që goli më i bukur i javës së fundit në La Liga është shënuar në ndeshjen mes Sevillës dhe Valencias. Futbollisti argjentinas, Ever Banega ka realizuar një gol tejet të bukur duke shmangur tre futbollist kundërshtarë për të mposhtur portierin e Sevillës me një goditje të fuqishme.
Goli është cilësuar si më i bukuri në La Liga ndërsa është në 10 golat më të bukur të këtij edicioni.
Kupa e Mbretit Fiton Atletiko zero tituj Reali kete sezon
Real Madrid mbyll kete sezon vetem me nje vend te dyte ne La Liga dhe zero tituj. Nje ndeshje me nervozizem ku 8 lojtar te Real ndeshkohen me karton te verdhe, ku edhe vete Portugezi Mourinjo bie viktime e protestave te ekzagjeruara duke perfunduar jashte me nje karton te kuq ne min 74.
Real Madrid 1 – 2 Atlético Madrid
Cristiano Ronaldo 14 ‘ / Diego Costa 35 ‘ Miranda 98 ‘
Reali ofron 85 milionë funte për Bale
Këtë shifër rekorde Tottenhami do ta ketë të pamundur ta refuzojë pasi presidenti i Real Madridit Florentino Perez e ka prioritet transferimin e uelsianit në Madrid.
Real Madridi e ka ndërmend të thyejë edhe një tjetër rekord botëror për transfere, pasi është gati të ofrojë 85 milionë funte për yllin e Tottenham Hotspur Gareth Bale, i cili shihet si zëvendësim i Ronaldos që pritet të rikthehet në Premier League, shkruan DailyMail.
Këtë shifër rekorde Tottenhami do ta ketë të pamundur ta refuzojë pasi presidenti i Real Madridit Florentino Perez e ka prioritet transferimin e uelsianit në Madrid.
Perez njihet për shpenzime marramendëse sepse për transferimin e Ronaldos, Kakas dhe Benzemas, ai kishte shpenzuar 171 milionë funte.
PSG i ofron 16 milionë euro në vit Rooneyt
Paris, 2 qershor - Wayne Rooney mund të shndërrohet së shpejti në një futbollist më të paguar se Lionel Messi apo Cristiano Ronaldo, pasi skuadra e kryeqytetit të Francës PSG është e gatshme të paguajë para të majme për të siguruar kartonin e sulmuesit anglez të Manchester Unitedit. Në bazë të ofertës që kampionët e Francës po përgatisin, Rooney do të merrte 16 milionë euro në sezon, për katër vjetët e ardhshëm, ndërsa M. United do të fitonte 50 milionë euro nga shitja e tij.
Pasi ka fituar pesë tituj kampionë të Anglisë dhe një Champions League me fanellën e “Djajve të Kuq”, Rooney nuk e fshehu dhe menjëherë pas tërheqjes së trajnerit Alex Ferguson shprehu dëshirën e tij për të provuar një aventurë të re jashtë klubit.
Nëse oferta do të konkretizohet, Rooney do të shndërrohet në futbollistin e dytë më të paguar të botës, pas Eto’o që fiton 20 milionë euro në vit tek Anzhi, por përpara Ronaldos e Messit, që përfitojnë nga 12 milionë euro në vit, në bazë të kontratave të tyre aktuale me Real Madridin dhe Barcelonën.
Pasi ka fituar pesë tituj kampionë të Anglisë dhe një Champions League me fanellën e “Djajve të Kuq”, Rooney nuk e fshehu dhe menjëherë pas tërheqjes së trajnerit Alex Ferguson shprehu dëshirën e tij për të provuar një aventurë të re jashtë klubit.
Nëse oferta do të konkretizohet, Rooney do të shndërrohet në futbollistin e dytë më të paguar të botës, pas Eto’o që fiton 20 milionë euro në vit tek Anzhi, por përpara Ronaldos e Messit, që përfitojnë nga 12 milionë euro në vit, në bazë të kontratave të tyre aktuale me Real Madridin dhe Barcelonën.
Shqipëri-Norvegji 60 mijë kërkesa për bileta
Pragu i ndeshjes së 7 qershorit, Shqipëri-Norvegji, e vlefshme për kualifikueset e Kampionati Botëror “Brazil 2014”, është më shumë se elektrizuese. Të gjithë kanë nisur të besojnë gjithnjë e më shumë për një kualifikim të mundshëm të kombëtares sonë, që drejtohet nga italiani Xhani De Biazi, në Botërorin e Brazilit, që do të ishte jo vetëm një rezultat historik, por, mbi të gjitha, edhe një dalje për herë të parë në finalet e tilla.
Atmosfera është e atillë sikurse në Tiranë të vinte jo vetëm Gjermania, apo dhe Anglia, po pse jo dhe Kampionët e Botës të Spanjës. Madje dhe kur ka luajtur Franca, më 2 shtator 2011, stadiumi nuk ka qenë i mbushur tej mase. Tashmë gjërat janë ndryshe, ka më shumë kërkesa për bileta dhe për të qenë në stadium, e pse jo dhe për të qenë pranë kuqezinjve, të cilët, edhe me mungesa, duhen ndihmuar për të marrë një tjetër fitore si më 22 mars 2013. Gjithsesi, edhe kur 14 vjet më parë, ka luajtur Norvegjia, përsëri stadiumi ka qenë plot, por atëherë nuk patëm fat, teksa u mundëm 2-1.
Federata Shqiptare e Futbollit ka lajmëruar se biletat për ndeshjen me Norvegjinë, e cila do të luhet më 7 qershor, në ora 20:30, në stadiumin kombëtar “Qemal Stafa”, do të dalin në shitje më 4 qershor. Çmimet e tyre janë të atilla 8000 lekë të reja në tribunën kryesore, 5000 lekë të reja në tribunat anash kryesores, 3000 lekë të reja D2, 2000 lekë të reja D1 dhe D3 dhe 500 lekë të reja C e E-ja.
Të gjitha institucionet shtetërore kanë dërguar kërkesa të shumta në FSHF, çka e detyron institucionin më të lartë të top-këmbës shqiptare që të bëjë një seleksionim të tyre. Që do të thotë se biletat për institucionet më të rëndësishme shqiptare, duke futur të gjitha Ministritë, Komisionin e Kontrollit të Lartë të Shtetit, Gjykatën, Prokurorinë, Parlamentin, po pse jo dhe ambasadat do të bëhen me planifikim.
Norvegjia nis sot përgaditjet kunder Shqiperise-ja programi i plotë
Ndryshe nga kuqezinjtë që i kanë nisur prej disa ditësh përgatitjet pasi pjesa më e madhe e tyre e kanë mbyllur sezonin, norvegjezët të cilët janë në mes të kampionatit do të grumbullohen këtë të Hënë, në Oslo. Në orën 15:00 do të zhvillojnë seancën e parë stërvitore, ndërsa në 17:30 trajneri Egil Olsen i shoqëruar nga një ose dy futbollistë do të japin konferencën e parë për shtyp. Të Martën pasdite dhe të Mërkurën në mesditë norvegjezët do të vijojnë stërvitjen në stadiumin Ulleval të Oslos, për të mbërritur në Tiranë me charter në mbrëmjen e 5 Qershorit.
Të Enjten përgatitjet e norvegjezëve do të vijojnë në “Qemal Stafa” në orën 18:00, ndërsa pak para se të nisë seanca e fundit stërvitore trajneri Olsen do të japë konferencën e zakonshme për shtyp në vigjilje të sfidës me kuqezinjtë. Dyert e “Qemal Stafës” do të jenë të hapura për mediat vetëm gjatë 15 minutave të para të seancës së fundit. Takimi i shumëpritur Shqipëri – Norvegji do të nisë të Premten në orën 20:30, ndërsa të shtunën në orën 11:30 në ambientet e Sheraton është parashikuar një tjetër konferencë për shtyp, para se delegacioni norvegjez të niset drejt Rinasit.
De Biaso plotëson kombëtaren shqipetare
Trajneri i përfaqësueses shqiptare të futbollit, Xhani De Biasi, ka mbyllur sot përfundimisht listën e përfaqësueses për ndeshjen kundër Norvegjisë, duke i bashkuar grupit ekzistues prej 18 lojtarësh edhe 8 emra të tjerë. Bie në sy fakti se pavarësisht rëndësisë së ndeshjes, tekniku italian ka vazhduar të eksperimentojë, duke mbledhur tashmë në total 6 emra të rinj për kombëtaren shqiptare, 6 futbollistë që mund të debutojnë që në ndeshjen e fundjavës.
Debutuesve Gjasula e Llullaku, tashmë i janë bashkuar edhe mbrojtësi Ilir Berisha, mesfushorët Amir Abrashi, Ergys Kaçe dhe Vullnet Basha., duke çuar në 6 numrin e futbollistëve që mund të luajnë për herë të parë me kombëtaren ndaj Norvegjisë. Ndërkohë, pjesë e “listës shtesë” të kombëtares ishin edhe mbrojtësi i Empolit, Elseid Hysaj, mesfushorët Emiliano Vila e Valdet Rama, si dhe sulmuesi Hamdi Salihi.
Të gjithë këto lojtarë do të jenë të pranishëm në rifillimin e grumbullimit në ditën e hënë, për t’i hapur rrugë pjesë së dytë të përgatitjeve për ndeshjen kundër skandinaveve.
Lista përfundimtare e kombëtare shqiptare të futbollit:
Portierë: Samir Ujkani (Kievo), Etrit Berisha (Kallmar), Orges Shehi (Skënderbeu).
Mbrojtës: Admir Teli (Karabak), Debatik Curri (Gençlebirligi), Mërgim Mavraj (Grojter Fyrth), Renato Arapi (Skënderbeu), Tefik Osmani (Teuta), Armend Dallku (Vorskla Poltava), Ilir Berisha (Orebro), Elseid Hysaj (Empoli)
Mesfushorë: Jurgen Gjasula (Duisburg), Migjen Basha (Torino), Ansi Agolli (Karabak), Armando Vajushi (Liteks Loveç), Ervin Bulku (Sepahan), Sabien Lilaj (Skënderbeu), Valdet Rama (Real Vajadolid), Vullnet Basha (Sion), Amir Abrashi (Grasshopers), Emiliano Vila (Pas Janina), Ergys Kaçe (PAOK),
Sulmues: Azdren Llullaku (Gaz Metan), Erjon Bogdani (Siena), Edgar Çani (Katania), Hamdi Salihi (Jiangsu Sainti).
Prishtina kampione-kryeqyteti në festë
FC Prishtina zyrtarisht ka festuar titullin e kampionit. Në një atmosferë fantastike të krijuar nga tifozët e njohur “Plisat”, Prishtina ka mundur të dielën pasdite ndjekësin e saj, Trepçën ’89 me rezultat 2-0. Ndonëse “bardh e kaltrit” kohë më parë kanë siguruar titullin e kampionit, megjithatë, prishtinasit festuan titullin në ndeshjen ndaj mitrovicasve në sfidën e fundit të këtij sezoni të garave. Pjesë të kësaj ngjarje të bukur sportive ishin edhe njerëz të jetës politike, ndonëse dispononim e tyre e prishi shiu që ra gjatë gjithë lojës. Përballja ndërmjet Prishtinës dhe Trepçës ka prodhuar lojë të kënaqshme, por me iniciative e skuadrës së Afrim Tovërlanit. Prishtina pas vetëm një çerek lojë me golin e Argjend Malajt zhbllokoi rezultatin dhe ekipin skuadrën e tij në epërsi. Me avantazhin e nikoqirëve prej 1-0, u mbyll pjesa e parë e lojës. Edhe në fraksionin e dytë të lojës ishin futbollistët e Prishtinës që e kontrollonin lojën në terren duke rrezikuar disa herë seriozisht portën e “minatorëve”. Ishte sulmuesi Florim Berbatovci i cili shënoi golin e dytë për Prishtinën duke vendosur epilogun e kësaj sfidë joshëse. Dhe, kur gjyqtari i ndeshjes i jep fundin kësaj ndeshje, atëherë i tërë stadiumi shpërthen në festë, duke nisur festa e madhe e titullit të kampionit. Bazuar në rrjedhën e gjithë këtij sezoni, Prishtina me plotë meritë është kampione e Kosovës, pasi gjatë gjithë sezonit ka shfaqur performancë më të mirë se skuadrat tjera elitare. Kapitenit të Prishtinës, Driton Krasniqit, trofeun e titullit të kampionit ia dorëzoi Ministri i Kulturës, Rinisë dhe Sportit (MKRS), Memli Krasniqi. Festa e Prishtinës nisi në “tempullin” e futbollit, për të vazhduar edhe në rrugët e kryeqytetit.
Trajneri i Prishtinës, Afrim Tovërlani, është shprehur shumë i lumtur me suksesin e arritur. Sipas tij, rruga deri të ky sukses ka qenë mjaft e vështirë. Tovërlani tha se ndeshjet vendimtar kanë qenë takimet e fituar jashtë Prishtinës. Sipas tij, Tovërlani, Prishtina me meritë ka fituar titullin. Tovërlani beson se skuadra e tij pas një javë do ta fitojë Kupën e Kosovës.
Tovërlani: Nuk ka qenë e lehtë rruga deri të titulli
“Rruga ka qenë mjaft e vështirë, nuk ka qenë aspak e lehtë deri në përfundim të kampionatit kur Trepça ’89 u dorëzua. Ndoshta vendimtare kanë qenë ndeshjet që i kemi fituar jashtë, ndërsa Trepça ’89 ka ngecur në ndeshjet jashtë terrenit të vet. Kampionat jashtëzakonisht i merituar. I falënderoi futbollistët, kryesin, bashkëpunëtorët e mi, por më së shumti i falënderoi futbollistët të cilët vërtet kanë treguar një karakter të fortë dhe një dëshirë e profesionalizëm shumë të lartë për nivelin e Kosovës. Pas një javë është finalja e Kupës dhe duam që Kupën ta sjellim në Prishtinë. Në asnjë mënyrë nuk e nënçmojmë skuadrën e Ferizajt, por ne do të mundohemi që Kupën ta sjellim në kryeqytet”, ka thënë Tovërlani.
Ndërkohë, sulmuesi më i mirë i Prishtinës, njëhërit shënuesi më i mirë i këtij sezoni, Florim Berbatovci, tha se është i ngazëllyer më suksesin e arritur. Berbatovci pohon se nuk ka qenë lehtë rruga deri tek titulli i kampionit. Ai thotë se përveç titullit është i kënaqur edhe më epitetin e golashënuesit më të mirë.
Berbatovci: Jam i lumtur me titullin dhe epitetin e shënuesit më të mirë
“Ka qenë shumë vështirë për të ardhur deri të titulli, por mendoj se kemi pasur ekip të mirë dhe kemi treguar angazhim dhe mendoj se është reale që fituam titullin përsëri. Ajo që me bën të lumtur që jam golashënuesi më i mirë i sezonit. Mendoj se e kam thyer një rekord, sepse Prishtina nuk ka pasur asnjë herë golashënues më të mirë, andaj jam shumë i lumtur”, tha Berbatovci. Duhet cekur se kampioni i Kosovës, nga Federata e Futbollit të Kosovës (FFK) është shpërblyer me 20 mijë euro, aq sa ishte paraparë për skuadrën kampione.
Shkendija vs Teteks Nderpritet Finalja e Kupes se Maqedonise
Thirrjet "UÇK", "O sa mirë me qenë shqiptar", ... ndërprenë finalen e Kupës së Maqedonisë!
Brohoritjet e tifozerive, ndërpritet finalja e Kupës së Maqedonisë
Finalja e 21 e Kupës së Maqedonisë, mes Shkëndijës dhe Teteksit është ndërprerë pak minuta pas fillimit. Shkak për ndërprerjen dhe mos vazhdimin e takimit sonte kanë qenë brohoritjet e tifozerisë, njofton Portali Albeu.com.
Brenda pak minutave ndeshja është ndërprerë dy herë, ndërsa herën e tretë është ndërprerë për të mos vazhduar më.
Brenda pak minutave ndeshja është ndërprerë dy herë, ndërsa herën e tretë është ndërprerë për të mos vazhduar më.
Tifozeria e Shkëndijës brohoriste slloganet tashmë të njohura "UÇK", "O sa mirë me qenë shqiptar", "Shqipëri Etnike", etj. ndërsa tifozeria maqedonase e Teteksit i është kundërpërgjigjur me thirrje raciste anti-shqiptare.
Vendimi i FFM-së se sonte nuk do të zhvillohet finalja është bërë i ditur nga zëdhënësi i FFM-së ndërsa me këtë vendim janë pajtuar edhe kryesitë dhe futbollistët e të dyja skuadrave.
Sonte vonë do të mësohet se kur do të riluhet finalja por mësohet se ndeshja mund të riluhet të premten pa publikë.
Vendimi i FFM-së se sonte nuk do të zhvillohet finalja është bërë i ditur nga zëdhënësi i FFM-së ndërsa me këtë vendim janë pajtuar edhe kryesitë dhe futbollistët e të dyja skuadrave.
Sonte vonë do të mësohet se kur do të riluhet finalja por mësohet se ndeshja mund të riluhet të premten pa publikë.
Reali mbetet duarthatë, Atletico është ‘Mbreti’ i Spanjës
Atletico Madridi është ‘Mbret’ i Spanjës. Skuadra e dytë nga kryeqyteti spanjoll e ka fituar trofeun e Copa del Rey (Kupa e Mbretit) pasi e mposhti Real Madridin me rezultat 2:1, në ndeshjen e zhvilluar sonte në Santiago Bernabeu, ku fituesi u përcaktua pas vazhdimeve.
Në një ndeshje me plot emocione, ku nuk munguan shtyllat, kartonët e kuq, rastet e panumërta dhe përleshjet në mes të të dyja palëve, ‘Los Colchoneros’ e përmbysën rezultatin, duke e fituar këtë trofe për herë të 10-të në histori të klubit.
Në një ndeshje me plot emocione, ku nuk munguan shtyllat, kartonët e kuq, rastet e panumërta dhe përleshjet në mes të të dyja palëve, ‘Los Colchoneros’ e përmbysën rezultatin, duke e fituar këtë trofe për herë të 10-të në histori të klubit.
‘Los Blancos’ kaluan në epërsi në minutën e 14-të me anë të Cristiano Ronaldos, i cili shënoi me kokë. Ndërkaq, Diego Costa i barazoi shifrat në atë të 35-të, pasi e mori një top të mirë nga Radamel Falcao.
Ozil, Ronaldo dhe Benzema kanë qenë të pafat në vazhdim të ndeshjes, pasi e qëlluan shtyllën, ndërsa Ozil dhe Higuain lëshuan raste të qindpërqindta në fund të takimit.
Gabimet e tyre i dënoi Atletico, e cila e shënoi golin e dytë në minutën e 99-të përmes mbrojtësit Miranda, që realizoi me kokë.
Trajneri Jose Mourinho dhe Cristiano Ronaldo janë ndëshkuar me karton të kuq në këtë takim, kurse tek Atletico u skuq Gabi.
Reali dështoi ta fitonte këtë trofe për herë të 19-të në histori të vetë, kurse Atletico e fitoi atë për herë të 10-të.
Gjithashtu, Atletico i dha fund dominimit 14 vjeçar të Realit, pasi nuk fitonte qe 25 ndeshje në derbin e Madridit, nga viti 1999. Realit i mungoi vërtet fati në këtë takim. Skuadra Merengues e mbylli kështu një sezon dështues, pa trofe.
Pique dhe Song grushtohen gjatë festimeve
Futbollistët e Barcelonës, Gerard Pique dhe Alex Song e kanë gjetur vendin më të keq të mundshëm, për qërimin e hesapeve. Ata janë parë duke u përleshur në mes vete gjatë festimeve për titullin e kampionit në La Liga, përpara qindra mijëra tifozëve katalunas, që kishin dalë nëpër rrugët e Barcelonës për t’u përshëndetur heronjtë e tyre.
Natyrisht, nuk dihet saktë nëse ata ishin duke lozur, por në fytyrat e tyre shihej një seriozitet dhe nervozë, që lë të kuptohet se Song seriozisht e sulmonte qendërmbrojtësin spanjoll. Për më tepër, fotografitë flasin vetë.
"Kosova është Serbi", në ndeshjen Real – Atletico
‘Kosova është Serbi’. Kështu shkruante një parullë apo mbishkrim i vendosur prapa portës, në ndeshjen e sontme ndërmjet Real Madridit dhe Atletico Madridit, e vlefshme për finalen e Copa del Rey, që po zhvillohet në stadiumin Santiago Bernabeu. Natyrisht, kjo ishte shkruar në gjuhën spanjolle, pasi siç dihet, Spanja nuk e ka njohur ende Pavarësinë e Kosovës. Siç shihet, kjo foto mund t’u përkasë tifozëve të Real Madridit, pasi ata të Atleticos mbanin fanella të kuqe. Si duket, dikush po jeton ende në ëndrra…
UEFA Chelsea vs Benfica Europa League Finale TV Live Ketu
UEFA Chelsea vs Benfica Europa League Finale 15-5-2013 ne 20:45
Asnje nga palet nuk pati nje rrugetim te lehte ne fazen e gjysemfinaleve, ku paten perballe dy ekipe qe luajten fort deri ne fund, Fenerbahce dhe Basel. Chelsea mundi Basel ne fushen e vete me rezultatin 3-1 dhe ate perfundimtar 5-2, nderkohe qe Benfika fiton me rezultatin perfundimtar 3-2, pas humbjes minimale ne Stamboll 1-0. Te dyja skuadrat e kane nisur sezonin e tyre ne UEFA Champions League, dhe kaluan ne kete kompeticion pas perfundimit te fazes ne grupe.
Historiku i perballjeve te ekipeve ne finalet europiane:
Benfika:
1989/90 European Champion Clubs’ Cup: humbet 1-0 v AC Milan
1987/88 European Champion Clubs’ Cup: humbet 6-5 me penallti v PSV Eindhoven
1982/83 Kupa Uefa: humbet 2-1 v RSC Anderlecht
1967/68 European Champion Clubs’ Cup: humbet 4-1 v Manchester United FC
1964/65 European Champion Clubs’ Cup: humbet 1-0 v Inter
1962/63 European Champion Clubs’ Cup: humbet 2-1 v AC Milan
1961/62 European Champion Clubs’ Cup: fiton 5-3 v Real Madrid CF
1960/61 European Champion Clubs’ Cup: fiton 3-2 v FC Barcelona
1987/88 European Champion Clubs’ Cup: humbet 6-5 me penallti v PSV Eindhoven
1982/83 Kupa Uefa: humbet 2-1 v RSC Anderlecht
1967/68 European Champion Clubs’ Cup: humbet 4-1 v Manchester United FC
1964/65 European Champion Clubs’ Cup: humbet 1-0 v Inter
1962/63 European Champion Clubs’ Cup: humbet 2-1 v AC Milan
1961/62 European Champion Clubs’ Cup: fiton 5-3 v Real Madrid CF
1960/61 European Champion Clubs’ Cup: fiton 3-2 v FC Barcelona
Chelsea:
2011/12 UEFA Champions League: fiton 4-3 me penallti v FC Bayern München
2007/08 UEFA Champions League: humbet 6-5 me penallti v Manchester United FC
1997/98 UEFA Cup Winners’ Cup: Fiton 1-0 v VfB Stuttgart
1970/71 UEFA Cup Winners’ Cup: Fiton 2-1 v Real Madrid CF
2011/12 UEFA Champions League: fiton 4-3 me penallti v FC Bayern München
2007/08 UEFA Champions League: humbet 6-5 me penallti v Manchester United FC
1997/98 UEFA Cup Winners’ Cup: Fiton 1-0 v VfB Stuttgart
1970/71 UEFA Cup Winners’ Cup: Fiton 2-1 v Real Madrid CF
Finalja e UEFA Europa League do te zhvillohet ne 15 Maj ne Amsterdam Arena ne oren 20:45 dhe do te transmetohet live KETU
Ferguson-Rooney dëshiron të largohet
“Po, ka kërkuar të shitet. Mendoj se është i zhgënjyer, sepse në kohët e fundit ka mbetur jashtë ekipit. Mirëpo, ne nuk duam ta shesim”, është shprehur trajneri skocez, i cili i udhëhoqi dje ‘Djajtë e Kuq’ për herë të fundit në stadiumin Old Trafford, pasi që në fund të këtij sezoni do të pensionohet.
Mediat angleze shkruanin së fundmi se përfaqësuesi anglez ka kërkuar nga Fergusoni dy javë më parë që të shitet. Shikuesit në Old Trafford e kanë vërshëllyer dje ish futbollistin e Evertonit
Barcelona-mbretëreshë e Spanjës në Shekullin XXI
Barcelona vazhdon ta dominojë kampionatin spanjoll në Shekullin XXI. Që nga viti 2000, Blaugrana i ka fituar gjashtë tituj kampioni, e ndjekur nga Real Madridi me 5, Valencia 2 dhe Deportivo La Coruna 1. Seria e titujve të Barçës është përforcuar nga sezoni 2008/09, dhe prej atëherë, Lionel Messi me shokë i kanë fituar katër tituj nga pesë sezone.
Në sezonin 2008/09, nën drejtimin e Pep Guardiolës dhe Tito Vilanovës, katalunasit e kishin fituar ligën me 87 pikë, prej tyre 27 fitore, 6 barazime e 5 humbje. Vitin pasues, ata e fituan ligën me 99 pikë (31 fitore, 6 barazime e 1 humbje). Në sezonin 2011/12, Barça e fitoi titullin e tretë rresht me 96 pikë (30 fitore, 6 barazime e 2 humbje).
Ndërkaq, tash katalunasit e morën kontrollin e ligës pasi Reali e kishte fituar sezonin që shkoi. Me tri ndeshje të mbetura, djelmoshat e Vilanovas kanë grumbulluar 91 pikë (29 fitore, 4 barazime e 2 humbje).
Kjo është hera e parë në histori të Barcelonës që e fiton titullin pas vetëm një viti pritjeje.
Në të kaluarën, ekipit katalunas i janë dashur së paku dy vjet pritje, pasi e kishte fituar një herë titullin.
Për shembull, ata e kishin fituar titullin në sezonin 1944/45 dhe është dashur të prisnin deri në sezonin 1947/48 për të triumfuar sërish në La Liga. Pastaj nga sezoni 1948/49 deri më 1951/51 dhe nga sezoni 2005/06 pritën deri në sezonin 2008/09 për ta fituar sërish titullin. Në përgjithësi, Barcelona e ka fituar 22 herë titullin e kampionit në Spanjë.
Mourinho mos u largo
Daniel Alves e dëshiron qëndrimin e Jose Mourinhos në Real Madrid. Mbrojtësi brazilian e ka thënë këtë pas fitores me Athletico Madrid.
“Nuk dua që Jose Mourinho të largohet nga Real Madridi. Unë shpresoj se do të qëndroj sepse të konkurrosh me të është më interesant. Mua më dhimbsen gazetarët nëse ai largohet sepse nuk kanë më çfarë të shkruajne deklaratat e tij” deklaroj Alves.
I pyetur për transferimin e Neymar te Barca, Alves u përgjigj shkurtë.”Nëse unë do ti kisha paratë, do ta blija që tani
David Beckham Fiton tituj nё katër shtete
Becks, 39 vjeç, i ndihmoi Paris Saint-Germain që të fitojë titullin e parë pas 19 vjetëve. Kurse njё gjё tё tillё e kishte bёrё edhe në Angli, Spanjë e Amerikë.
Sidoqoftë, PSG-ja ende nuk e ka konfirmuar fitimin e ligës pasi që pritet vendimi për heqjen e pikëve sepse Drejtori Sportiv Leonardo kishte sulmuar gjyqtarin vikendin e kaluar.
Kontrata e Beckhamit mbaron në fund të këtij sezoni por klubi dëshiron që ta mbajë atë.
Emrat që kërkon Juventus
Përveç blerjes së mbyllur të Fernando Jorentes, një mbrojtës me eksperiencë dhe një mesfushor që të mbulojë krahët, ku të ofrojë shpejtësi dhe driblim. Në të njëjtën kohë, Konte ka bërë edhe një listë largimesh, më saktë lojtarët që kurrsesi nuk duhet të nxirren në merkato dhe të atyre që mund të sakrifikohen për të arkëtuar miliona që mund të investohen sërish në blerje.
Tekniku bardhezi, i cili pret të përqafojë në muajt e ardhshëm bomberin spanjoll Fernando Lorente, i ka kërkuar klubit edhe dy sulmues të tjerë. Preferencat e tij tashmë njihen, Gonzalo Higuain i Realit të Madridit, Zlatan Ibrahimoviç i PSG-së, Edinson Kavani i Napolit dhe Luis Suarez i Liverpulit. Por, nga të gjithë këto emra, bisedimet dhe marrëveshjet më të lehta pritet të ngrihen me Gonzalo Higuainin dhe Zlatan Ibrahimoviçin, të cilët kushtojnë respektivisht 25 dhe 12-15 milionë euro.
Natyrisht që edhe blerja e të dyve nuk duket e pamundur, duke qenë që në dy vitet e fundit presidenti Anjeli u ka premtuar tifozëve një bomber prej 40 milionë eurosh, por me këtë shifër sivjet ai ka fatin që të blejë dy menjëherë dhe në këtë mënyrë do blindonte repartin sulmues. Por, në të njëjtën kohë, pistat e nxehta të sulmit vazhdojnë të jenë ato që të çojnë te Stevan Jovetiç i Fiorentinës dhe Xhekson Martinez i Portos, ndonëse këtu flitet për 30 milionë euro minimalisht për secilin nga lojtarët, ndaj tratativa duket e vështirë. Mirëpo Konte kërkon edhe një mbrojtës potent, një lojtar që të mund të zëvendësojë me të njëjtin efikasitet njërin mes Barzaljit, Kielinit dhe Bonuçit. Zgjedhja e tij ka rënë mbi Davide Astorin e Kaljarit, i cili kushton nga 8- 10 milionë euro, ndonëse kjo shifër mund të ulet edhe më tej, duke bërë pjesë të tratativës ndonjë lojtar të mundshëm që u pëlqen sardëve.
Ndërsa, për mesfushën, emri që bind totalisht Konten është ai i kolumbianit të Fiorentinës, Huan Kuadrado. 25-vjeçari është në bashkëpronësi mes vjollcëve dhe Udinezes dhe vlerësohet rreth 20 milionë euro. Gjithsesi, kjo marrëveshje me të dyja klubet mund të mbyllet shumë lehtë, duke qenë që qoftë Fiorentina, ashtu sikurse Udinezes i pëlqejnë disa lojtarë që janë pjesë e listës së largimeve të Juventusit, ndaj një marrëveshje është totalisht e mundur. Kuadrado është synimi i parë, i dyti pas tij vjen holandezi i Bajernit, Arjen Roben, i cili mund të lërë Gjermaninë për 20 milionë euro,
Por për te realizuar keto operacione Juventus eshte e gatshme te shese, Matrin, Fabio Kualiarelën, Sebastian Xhovinkon, Mirko Vuçiniç, Paolo De Çeljes, Stefan Lishtsteinerin. /albeu.com/
Liverpool e blen talentin e Barcelonës
Talenti 16 vjeçar spanjoll do ti bashkohet Liverpoolit javën e ardhshme. Mesfushori i ri i Barcelonës po shkëlqen në akademinë e Barcelonës duke qenë lojtari kyç që skuadra e të rinjëve të Barcelonës u shpallë kampion edhe këtë edicion.
Rodgers i ka premtuar talentit spanjoll minutazhë edhe në skuadrën e parë të Liverpooli pasi që bëhet fjalë për një talent tejet premtues.
Canos te Barcelona po krahasohet me Andres Iniestën ndërsa shquhet për driblimet dhe pasimet fantastike./ana-ks.net
Shiqo Video ne YouTube
http://www.youtube.com/watch?feature=player_embedded&v=CVlESf8bnsQ
Shqipëria një rekord tjetër
Shqipëria e futbollit nuk ka të ndalur. Ranglista më e re e FIFA-s e
publikuar sot e klasifikon Kombëtaren Shqiptare me + 5 pozita të tjera për
muajin maj.
Në fakt Kombëtarja Shqiptare e Futbollit kishte arritur një
rekord historik duke u klasifikuar e 48-ta pas fitores së rëndësishme në
transfertë kundër Norvegjisë dhe debaklit që i shkaktuar Lituanisë në miqësore
prej 4:1.
Që prej asaj kohe e deri tani nuk është zhviulluar asnjë ndeshje por kjo nuk
ka penguar që rangimi për muajin maj të jetë për pesë pozita më i mirë që
nënkupton se tani jemi në vendin e 43-të me 640 pikë, madje duke lënë mbrapa saj
edhe Turqinë e Australinë.
Nga kundërshtarët tanë të grupit Zvicra ka përparuar për një pozitë, dhe tani
gjendet në vendin e 14-të, Norvegjia ka zbritur një pozitë dhe tani është e
31-ta, ndërsa që skuadrat poshtë Shqipërisë nuk kanë ndryshuar në rangim nga
muaji i kaluar Sllovenia e 55-ta, Islanda e 73-ta dhe Qipro e 123-ta.
Skuadra
e De Biazit tashmë ka thyer çdo rekord për sa i përket rangimit më të mirë në
historinë e futbollit botëror.
Juventus Kampione e Italise-Milan mjafton Balotelli
Milani mban ritmin e vendit te 3 duke fituar me nje gol te Ballotelit ne min e 84′.
Uragani Klose bie mbi Bolonjen,gjermani ka shenuar 5 gola ndersa Hernanes ka shenuar golin e 6.
Juventus 1 – 0 Palermo
Parma 2 – 0 Atalanta
Lazio 6 – 0
Bologna
Genoa 4 – 1 Pescara
Catania 3 – 0 Siena
Milan 1 – 0
Torino
Udinese 3 – 1 Sampdoria
20:45 Napoli-Inter
KLASIFIKIMI:
Juventus 83
Napoli 69
Milan 65
Fiorentina 61
Roma
58
Udinese 57
Lazio 55
Inter 53
Catania 51
Parma 43
Cagliari
43
Bologna 40
Chievo 40
Atalanta 39
Sampdoria 38
Torino
36
Genoa 35
Palermo 32
Siena 30
Pescara 22
Derbi Roma-Lacio në Kupë kthehet në çështje-frikë nga dhuna
Ndeshja e 26 Majit është kthyer në një çështje e rendit publik, madje edhe politike. E para, sepse është një sfidë shumë delikate dhe vendimtare për dyja skuadra që janë në kërkim të një vendi në Europë dhe të një rivaliteti të zjarrtë prej kohësh. E dyta, sepse ajo që ndodhi më 8 Prill me 45 minuta të çmendura shumë pranë Olimpikos, ku përleshjet me thika plagosën 12 tifozë, ndërsa ato me policinë e detyruan prefektin e Romës dhe Ministrin e Brendshëm t’i bëjnë lutje Ligës për të mos zhvilluar më të tilla ndeshje në orët e darkës.
E treta, sepse më 26 Maj të dielën, do të zhvillohen votimet për kryetarin e bashkisë së Romës, ndaj edhe forcat e rendit do të jenë të impenjuara për të garantuar siguri në qytet. Pra, një dilemë e madhe e ngritur menjëherë pas fitimit të Romës ndaj Interit në “San Siro” dhe arritjes së finales, ku do të ketë përballë Lazion. Kryetari i bashkisë ka ritheksuar edhe njëherë se dëshiron të flasë me prefektin dhe presidentin e Ligës për të rishikuar orarin dhe ditën e finales. Është menduar që kjo sfidë të afrohet, pra të luhet para 26 majit dhe jo në orët e mbrëmbjes.
Shaqiri shënon Bayerni feston Championship
| Xherdan Shaqiri po vazhdon me gola te Bayern Munchen. Superylli kosovar ka realizuar gol në fitoren e festës që e arriti sot Bayern ndaj Augsburg. Shaqa u fut në lojë në pjesën e dytë, atëherë kur Bayern shënoj të tre golat në fitoren 3 me 0. Goli i Shaqirit u shënua në minutën e 82 të ndeshjes. Muller dhe Gustavo realizuan të dy golat tjerë për Bayern. Pas ndeshjes është duke u zhvilluar ceremonia e ndarjes së titullit kampion në Bundesliga.  |
Subscribe to:
Posts (Atom)
101 Gollat me te bukur te sezonit 2012/2013 VIDEO