Shkendija vs Teteks Nderpritet Finalja e Kupes se Maqedonise

Thirrjet "UÇK", "O sa mirë me qenë shqiptar", ... ndërprenë finalen e Kupës së Maqedonisë!

Brohoritjet e tifozerive, ndërpritet finalja e Kupës së Maqedonisë

Finalja e 21 e Kupës së Maqedonisë, mes Shkëndijës dhe Teteksit është ndërprerë pak minuta pas fillimit. Shkak për ndërprerjen dhe mos vazhdimin e takimit sonte kanë qenë brohoritjet e tifozerisë, njofton Portali Albeu.com.

Brenda pak minutave ndeshja është ndërprerë dy herë, ndërsa herën e tretë është ndërprerë për të mos vazhduar më.

Tifozeria e Shkëndijës brohoriste slloganet tashmë të njohura "UÇK", "O sa mirë me qenë shqiptar", "Shqipëri Etnike", etj. ndërsa tifozeria maqedonase e Teteksit i është kundërpërgjigjur me thirrje raciste anti-shqiptare.

Vendimi i FFM-së se sonte nuk do të zhvillohet finalja është bërë i ditur nga zëdhënësi i FFM-së ndërsa me këtë vendim janë pajtuar edhe kryesitë dhe futbollistët e të dyja skuadrave. 

Sonte vonë do të mësohet se kur do të riluhet finalja por mësohet se ndeshja mund të riluhet të premten pa publikë.

Reali mbetet duarthatë, Atletico është ‘Mbreti’ i Spanjës

Atletico Madridi është ‘Mbret’ i Spanjës. Skuadra e dytë nga kryeqyteti spanjoll e ka fituar trofeun e Copa del Rey (Kupa e Mbretit) pasi e mposhti Real Madridin me rezultat 2:1, në ndeshjen e zhvilluar sonte në Santiago Bernabeu, ku fituesi u përcaktua pas vazhdimeve.
Në një ndeshje me plot emocione, ku nuk munguan shtyllat, kartonët e kuq, rastet e panumërta dhe përleshjet në mes të të dyja palëve, ‘Los Colchoneros’ e përmbysën rezultatin, duke e fituar këtë trofe për herë të 10-të në histori të klubit.

‘Los Blancos’ kaluan në epërsi në minutën e 14-të me anë të Cristiano Ronaldos, i cili shënoi me kokë. Ndërkaq, Diego Costa i barazoi shifrat në atë të 35-të, pasi e mori një top të mirë nga Radamel Falcao.
Ozil, Ronaldo dhe Benzema kanë qenë të pafat në vazhdim të ndeshjes, pasi e qëlluan shtyllën, ndërsa Ozil dhe Higuain lëshuan raste të qindpërqindta në fund të takimit.
Gabimet e tyre i dënoi Atletico, e cila e shënoi golin e dytë në minutën e 99-të përmes mbrojtësit Miranda, që realizoi me kokë.

Trajneri Jose Mourinho dhe Cristiano Ronaldo janë ndëshkuar me karton të kuq në këtë takim, kurse tek Atletico u skuq Gabi.
Reali dështoi ta fitonte këtë trofe për herë të 19-të në histori të vetë, kurse Atletico e fitoi atë për herë të 10-të.

Gjithashtu, Atletico i dha fund dominimit 14 vjeçar të Realit, pasi nuk fitonte qe 25 ndeshje në derbin e Madridit, nga viti 1999. Realit i mungoi vërtet fati në këtë takim. Skuadra Merengues e mbylli kështu një sezon dështues, pa trofe.

Pique dhe Song grushtohen gjatë festimeve

Futbollistët e Barcelonës, Gerard Pique dhe Alex Song e kanë gjetur vendin më të keq të mundshëm, për qërimin e hesapeve. Ata janë parë duke u përleshur në mes vete gjatë festimeve për titullin e kampionit në La Liga, përpara qindra mijëra tifozëve katalunas, që kishin dalë nëpër rrugët e Barcelonës për t’u përshëndetur heronjtë e tyre.

Natyrisht, nuk dihet saktë nëse ata ishin duke lozur, por në fytyrat e tyre shihej një seriozitet dhe nervozë, që lë të kuptohet se Song seriozisht e sulmonte qendërmbrojtësin spanjoll. Për më tepër, fotografitë flasin vetë.

"Kosova është Serbi", në ndeshjen Real – Atletico

‘Kosova është Serbi’. Kështu shkruante një parullë apo mbishkrim i vendosur prapa portës, në ndeshjen e sontme ndërmjet Real Madridit dhe Atletico Madridit, e vlefshme për finalen e Copa del Rey, që po zhvillohet në stadiumin Santiago Bernabeu. Natyrisht, kjo ishte shkruar në gjuhën spanjolle, pasi siç dihet, Spanja nuk e ka njohur ende Pavarësinë e Kosovës. Siç shihet, kjo foto mund t’u përkasë tifozëve të Real Madridit, pasi ata të Atleticos mbanin fanella të kuqe. Si duket, dikush po jeton ende në ëndrra…

UEFA Chelsea vs Benfica Europa League Finale TV Live Ketu

UEFA Chelsea vs Benfica Europa League Finale 15-5-2013 ne 20:45

Pasi jane ndeshur nje here ne sezonin e fundit te UEFA Champions League, Benfika dhe Chelsea rikthehen serish bashke ne finalen e Amsterdamit te UEFA Europa League.

Asnje nga palet nuk pati nje rrugetim te lehte ne fazen e gjysemfinaleve, ku paten perballe dy ekipe qe luajten fort deri ne fund, Fenerbahce dhe Basel. Chelsea mundi Basel ne fushen e vete me rezultatin 3-1 dhe ate perfundimtar 5-2, nderkohe qe Benfika fiton me rezultatin perfundimtar 3-2, pas humbjes minimale ne Stamboll 1-0. Te dyja skuadrat e kane nisur sezonin e tyre ne UEFA Champions League, dhe kaluan ne kete kompeticion pas perfundimit te fazes ne grupe.

Blute e Chelsea jane vetem nje ndeshje larg per tu renditur nje nder kater ekipet qe numerojne tre trofe Europian te fituar, perkatesisht Kupen e Kampioneve per Klube, Kupen UEFA/UEFA Europa League dhe Kupen UEFA Cup Winners. Nese mundin Benfiken, ata do te ndjekin ne kete menyre Juventusin, Ajaksin dhe Bayern München.

Historiku i perballjeve te ekipeve ne finalet europiane:

Benfika:

1989/90 European Champion Clubs’ Cup: humbet 1-0 v AC Milan
1987/88 European Champion Clubs’ Cup: humbet 6-5 me penallti v PSV Eindhoven
1982/83 Kupa Uefa: humbet 2-1 v RSC Anderlecht
1967/68 European Champion Clubs’ Cup: humbet 4-1 v Manchester United FC
1964/65 European Champion Clubs’ Cup: humbet 1-0 v Inter
1962/63 European Champion Clubs’ Cup: humbet 2-1 v AC Milan
1961/62 European Champion Clubs’ Cup: fiton 5-3 v Real Madrid CF
1960/61 European Champion Clubs’ Cup: fiton 3-2 v FC Barcelona

Chelsea:
2011/12 UEFA Champions League: fiton 4-3 me penallti v FC Bayern München
2007/08 UEFA Champions League: humbet 6-5 me penallti v Manchester United FC
1997/98 UEFA Cup Winners’ Cup: Fiton 1-0 v VfB Stuttgart
1970/71 UEFA Cup Winners’ Cup: Fiton 2-1 v Real Madrid CF

Finalja e UEFA Europa League do te zhvillohet ne 15 Maj ne Amsterdam Arena ne oren 20:45 dhe do te transmetohet live KETU

Ferguson-Rooney dëshiron të largohet

Në fund të ndeshjes ndaj Swansea Cityt, Sir Alex Ferguson e ka pranuar se Wayne Rooney dëshiron të largohet nga Manchester Unitedi.

“Po, ka kërkuar të shitet. Mendoj se është i zhgënjyer, sepse në kohët e fundit ka mbetur jashtë ekipit. Mirëpo, ne nuk duam ta shesim”, është shprehur trajneri skocez, i cili i udhëhoqi dje ‘Djajtë e Kuq’ për herë të fundit në stadiumin Old Trafford, pasi që në fund të këtij sezoni do të pensionohet.


Mediat angleze shkruanin së fundmi se përfaqësuesi anglez ka kërkuar nga Fergusoni dy javë më parë që të shitet. Shikuesit në Old Trafford e kanë vërshëllyer dje ish futbollistin e Evertonit

Barcelona-mbretëreshë e Spanjës në Shekullin XXI

Barcelona vazhdon ta dominojë kampionatin spanjoll në Shekullin XXI. Që nga viti 2000, Blaugrana i ka fituar gjashtë tituj kampioni, e ndjekur nga Real Madridi me 5, Valencia 2 dhe Deportivo La Coruna 1. Seria e titujve të Barçës është përforcuar nga sezoni 2008/09, dhe prej atëherë, Lionel Messi me shokë i kanë fituar katër tituj nga pesë sezone.

Në sezonin 2008/09, nën drejtimin e Pep Guardiolës dhe Tito Vilanovës, katalunasit e kishin fituar ligën me 87 pikë, prej tyre 27 fitore, 6 barazime e 5 humbje. Vitin pasues, ata e fituan ligën me 99 pikë (31 fitore, 6 barazime e 1 humbje). Në sezonin 2011/12, Barça e fitoi titullin e tretë rresht me 96 pikë (30 fitore, 6 barazime e 2 humbje).

Ndërkaq, tash katalunasit e morën kontrollin e ligës pasi Reali e kishte fituar sezonin që shkoi. Me tri ndeshje të mbetura, djelmoshat e Vilanovas kanë grumbulluar 91 pikë (29 fitore, 4 barazime e 2 humbje).

Kjo është hera e parë në histori të Barcelonës që e fiton titullin pas vetëm një viti pritjeje.

Në të kaluarën, ekipit katalunas i janë dashur së paku dy vjet pritje, pasi e kishte fituar një herë titullin.

Për shembull, ata e kishin fituar titullin në sezonin 1944/45 dhe është dashur të prisnin deri në sezonin 1947/48 për të triumfuar sërish në La Liga. Pastaj nga sezoni 1948/49 deri më 1951/51 dhe nga sezoni 2005/06 pritën deri në sezonin 2008/09 për ta fituar sërish titullin. Në përgjithësi, Barcelona e ka fituar 22 herë titullin e kampionit në Spanjë.

Mourinho mos u largo

Daniel Alves e dëshiron qëndrimin e Jose Mourinhos në Real Madrid. Mbrojtësi brazilian e ka thënë këtë pas fitores me Athletico Madrid.

“Nuk dua që Jose Mourinho të largohet nga Real Madridi. Unë shpresoj se do të qëndroj sepse të konkurrosh me të është më interesant. Mua më dhimbsen gazetarët nëse ai largohet sepse nuk kanë më çfarë të shkruajne deklaratat e tij” deklaroj Alves.

I pyetur për transferimin e Neymar te Barca, Alves u përgjigj shkurtë.”Nëse unë do ti kisha paratë, do ta blija që tani

David Beckham Fiton tituj nё katër shtete

David Beckham mbrëmë është për anglezi i parë që fiton trofeun e ligës në katër shtete të ndryshme.
Becks, 39 vjeç, i ndihmoi Paris Saint-Germain që të fitojë titullin e parë pas 19 vjetëve. Kurse njё gjё tё tillё e kishte bёrё edhe në Angli, Spanjë e Amerikë.


Sidoqoftë, PSG-ja ende nuk e ka konfirmuar fitimin e ligës pasi që pritet vendimi për heqjen e pikëve sepse Drejtori Sportiv Leonardo kishte sulmuar gjyqtarin vikendin e kaluar.

Kontrata e Beckhamit mbaron në fund të këtij sezoni por klubi dëshiron që ta mbajë atë.

Emrat që kërkon Juventus

Pasi ka vendosur të qëndrojë tek Juventusi, trajneri i kampionëve të Italisë Antonio Conte ka bërë gati listën e shpenzimeve të tij, ku në krye të saj qëndrojnë dy sulmues të fuqishëm.

Përveç blerjes së mbyllur të Fernando Jorentes, një mbrojtës me eksperiencë dhe një mesfushor që të mbulojë krahët, ku të ofrojë shpejtësi dhe driblim. Në të njëjtën kohë, Konte ka bërë edhe një listë largimesh, më saktë lojtarët që kurrsesi nuk duhet të nxirren në merkato dhe të atyre që mund të sakrifikohen për të arkëtuar miliona që mund të investohen sërish në blerje.

Tekniku bardhezi, i cili pret të përqafojë në muajt e ardhshëm bomberin spanjoll Fernando Lorente, i ka kërkuar klubit edhe dy sulmues të tjerë. Preferencat e tij tashmë njihen, Gonzalo Higuain i Realit të Madridit, Zlatan Ibrahimoviç i PSG-së, Edinson Kavani i Napolit dhe Luis Suarez i Liverpulit. Por, nga të gjithë këto emra, bisedimet dhe marrëveshjet më të lehta pritet të ngrihen me Gonzalo Higuainin dhe Zlatan Ibrahimoviçin, të cilët kushtojnë respektivisht 25 dhe 12-15 milionë euro.


Natyrisht që edhe blerja e të dyve nuk duket e pamundur, duke qenë që në dy vitet e fundit presidenti Anjeli u ka premtuar tifozëve një bomber prej 40 milionë eurosh, por me këtë shifër sivjet ai ka fatin që të blejë dy menjëherë dhe në këtë mënyrë do blindonte repartin sulmues. Por, në të njëjtën kohë, pistat e nxehta të sulmit vazhdojnë të jenë ato që të çojnë te Stevan Jovetiç i Fiorentinës dhe Xhekson Martinez i Portos, ndonëse këtu flitet për 30 milionë euro minimalisht për secilin nga lojtarët, ndaj tratativa duket e vështirë. Mirëpo Konte kërkon edhe një mbrojtës potent, një lojtar që të mund të zëvendësojë me të njëjtin efikasitet njërin mes Barzaljit, Kielinit dhe Bonuçit. Zgjedhja e tij ka rënë mbi Davide Astorin e Kaljarit, i cili kushton nga 8- 10 milionë euro, ndonëse kjo shifër mund të ulet edhe më tej, duke bërë pjesë të tratativës ndonjë lojtar të mundshëm që u pëlqen sardëve.


Ndërsa, për mesfushën, emri që bind totalisht Konten është ai i kolumbianit të Fiorentinës, Huan Kuadrado. 25-vjeçari është në bashkëpronësi mes vjollcëve dhe Udinezes dhe vlerësohet rreth 20 milionë euro. Gjithsesi, kjo marrëveshje me të dyja klubet mund të mbyllet shumë lehtë, duke qenë që qoftë Fiorentina, ashtu sikurse Udinezes i pëlqejnë disa lojtarë që janë pjesë e listës së largimeve të Juventusit, ndaj një marrëveshje është totalisht e mundur. Kuadrado është synimi i parë, i dyti pas tij vjen holandezi i Bajernit, Arjen Roben, i cili mund të lërë Gjermaninë për 20 milionë euro,

Por për te realizuar keto operacione Juventus eshte e gatshme te shese, Matrin, Fabio Kualiarelën, Sebastian Xhovinkon, Mirko Vuçiniç, Paolo De Çeljes, Stefan Lishtsteinerin. /albeu.com/

Liverpool e blen talentin e Barcelonës

Brendan Rodgers vazhdon të ndjekë talentët e ndryshëm evropian për të ndërtuar Liverpoolin e tij. Skuadra e madhe angleze ka arritur marrëveshje për blerjen e talentit të Barcelonës, Sergi Canos.

Talenti 16 vjeçar spanjoll do ti bashkohet Liverpoolit javën e ardhshme. Mesfushori i ri i Barcelonës po shkëlqen në akademinë e Barcelonës duke qenë lojtari kyç që skuadra e të rinjëve të Barcelonës u shpallë kampion edhe këtë edicion.

Rodgers i ka premtuar talentit spanjoll minutazhë edhe në skuadrën e parë të Liverpooli pasi që bëhet fjalë për një talent tejet premtues.

Canos te Barcelona po krahasohet me Andres Iniestën ndërsa shquhet për driblimet dhe pasimet fantastike./ana-ks.net

Shiqo Video ne YouTube
http://www.youtube.com/watch?feature=player_embedded&v=CVlESf8bnsQ

Shqipëria një rekord tjetër

Shqipëria e futbollit nuk ka të ndalur. Ranglista më e re e FIFA-s e publikuar sot e klasifikon Kombëtaren Shqiptare me + 5 pozita të tjera për muajin maj.

Në fakt Kombëtarja Shqiptare e Futbollit kishte arritur një rekord historik duke u klasifikuar e 48-ta pas fitores së rëndësishme në transfertë kundër Norvegjisë dhe debaklit që i shkaktuar Lituanisë në miqësore prej 4:1.

Që prej asaj kohe e deri tani nuk është zhviulluar asnjë ndeshje por kjo nuk ka penguar që rangimi për muajin maj të jetë për pesë pozita më i mirë që nënkupton se tani jemi në vendin e 43-të me 640 pikë, madje duke lënë mbrapa saj edhe Turqinë e Australinë.

Nga kundërshtarët tanë të grupit Zvicra ka përparuar për një pozitë, dhe tani gjendet në vendin e 14-të, Norvegjia ka zbritur një pozitë dhe tani është e 31-ta, ndërsa që skuadrat poshtë Shqipërisë nuk kanë ndryshuar në rangim nga muaji i kaluar Sllovenia e 55-ta, Islanda e 73-ta dhe Qipro e 123-ta.

Skuadra e De Biazit tashmë ka thyer çdo rekord për sa i përket rangimit më të mirë në historinë e futbollit botëror.

Juventus Kampione e Italise-Milan mjafton Balotelli

Kane perfunduar ndeshjet e ores 15:00 ne Seria A java e 35, ku Juventus matematikisht shpallet kampione e Italise per te 29 here.Golin e fitores e ka shenuar Vidal me nje 11 metersh ne min e 59.
Milani mban ritmin e vendit te 3 duke fituar me nje gol te Ballotelit ne min e 84′.
Uragani Klose bie mbi Bolonjen,gjermani ka shenuar 5 gola ndersa Hernanes ka shenuar golin e 6.

Juventus 1 – 0 Palermo

Parma 2 – 0 Atalanta

Lazio 6 – 0 Bologna

Genoa 4 – 1 Pescara

Catania 3 – 0 Siena

Milan 1 – 0 Torino

Udinese 3 – 1 Sampdoria

20:45 Napoli-Inter

KLASIFIKIMI:

Juventus 83

Napoli 69

Milan 65

Fiorentina 61

Roma 58

Udinese 57

Lazio 55

Inter 53

Catania 51

Parma 43

Cagliari 43

Bologna 40

Chievo 40

Atalanta 39

Sampdoria 38

Torino 36

Genoa 35

Palermo 32

Siena 30

Pescara 22

Derbi Roma-Lacio në Kupë kthehet në çështje-frikë nga dhuna

Finalja e Kupës së Italisë, që nga momenti që u parashikua se do të ishte një çështje e kryeqytetit, mes Romës e Lazios, është kthyer në një temë edhe më të madhe se eventi sportiv. Asnjëherë deri tani këto dy skuadra nuk kishin shkuar deri në finalen e këtij trofeu.

Ndeshja e 26 Majit është kthyer në një çështje e rendit publik, madje edhe politike. E para, sepse është një sfidë shumë delikate dhe vendimtare për dyja skuadra që janë në kërkim të një vendi në Europë dhe të një rivaliteti të zjarrtë prej kohësh. E dyta, sepse ajo që ndodhi më 8 Prill me 45 minuta të çmendura shumë pranë Olimpikos, ku përleshjet me thika plagosën 12 tifozë, ndërsa ato me policinë e detyruan prefektin e Romës dhe Ministrin e Brendshëm t’i bëjnë lutje Ligës për të mos zhvilluar më të tilla ndeshje në orët e darkës.

E treta, sepse më 26 Maj të dielën, do të zhvillohen votimet për kryetarin e bashkisë së Romës, ndaj edhe forcat e rendit do të jenë të impenjuara për të garantuar siguri në qytet. Pra, një dilemë e madhe e ngritur menjëherë pas fitimit të Romës ndaj Interit në “San Siro” dhe arritjes së finales, ku do të ketë përballë Lazion. Kryetari i bashkisë ka ritheksuar edhe njëherë se dëshiron të flasë me prefektin dhe presidentin e Ligës për të rishikuar orarin dhe ditën e finales. Është menduar që kjo sfidë të afrohet, pra të luhet para 26 majit dhe jo në orët e mbrëmbjes.

Shaqiri shënon Bayerni feston Championship

Xherdan Shaqiri po vazhdon me gola te Bayern Munchen. Superylli kosovar ka realizuar gol në fitoren e festës që e arriti sot Bayern ndaj Augsburg. Shaqa u fut në lojë në pjesën e dytë, atëherë kur Bayern shënoj të tre golat në fitoren 3 me 0. Goli i Shaqirit u shënua në minutën e 82 të ndeshjes. Muller dhe Gustavo realizuan të dy golat tjerë për Bayern. Pas ndeshjes është duke u zhvilluar ceremonia e ndarjes së titullit kampion në Bundesliga.

Lampard me sot në historinë e Chelseat

Frank Lampard është golashënuesi më i mirë në historinë e Chelseat. Mesfushori anglez me 2 golat e shënuar ndaj Aston Villës është bërë golashënuesi më i mirrë në historinë e skuadrës londineze.

Lampard tani ka 203 gola, 1 më shumë se legjendari Bobby Tambling. Ish sulmuesi i Chelseat ishte edhe sot në stadium duke e ndjekur nga afër mesfushorin anglez për të i’a marrë rekordin historik të Chelseat.
Pavarësishtë golave dhe historisë, Lampard duket afër largimit nga Chelsea në fund të edicionit./Indeksonline

Boateng 'lanë' me alkool Riberyn: S'do ti flas Jeromet

Duket se mesfushori francez, Franck Ribery, nuk ka mundur të kënaqet në festën e ekipit të tij, Bayern Munich, me rastin e shpalljes së kampion i Bundesligas gjermane.

Ribery është hidhëruar shumë në bashkëlojtarin e tij, Jerome Boateng, pasi që ky i fundit e kishte ‘larë’ me alkool francezin, pas përfundimit të ceremonisë së shpalljes kampion të Bayernit të Munichut.

Ndërsa mes një koreografie të mrekullueshme dhe mes legjendave të kësaj skuadre ndër vite, Bayern ka festuar pas ndeshjes titullin e 23-të kampion në Bundesligë.

Shaqiri sërish shënon në fitoren e Bayernit

Xherdan Shaqiri

Bayern Munich nuk ka të ndalur, por edhe Xherdan Shaqiri. Bavarezët kanë shënuar fitore me rezultat 3:0 kundër ekipit pothuajse të ç’regjistruar nga liga elitare gjermane, Augsburg.

Në fakt, kampioni i sivjetmë i Bundesligas gjermane është dashur mjaft të djersitet për të arkëtuar tre pikë të reja. Golin e parë në ndeshje e shënoi në minutën e 68-të mesfushori gjerman, Thomas Muller ndërsa golin e fitores për ‘rekordmeister’ e shënoi mesfushori fantastik shqiptar, Xherdan Shaqiri, në minutën e 82-të. Mesfushori brazilian, Luis Gustavo, shënoi golin e tretë dhe të rezultatit përfundimtar në minutën e 86-të të këtij ballafaqimi, i cili në shikim të parë dukej mjaft i lehtë për kampionët gjerman.

Pas kësaj fitore Bayen Munich ka tubuar 85 pikë në Bundeliga dhe aktualisht ka 22 pikë më tepër se ish kampioni Borussia Dortmund, e cila pas humbjes së sotme me rezultat 3:3 kundër Wolfsburg mbetet në pozitën e dytë me 65 pikë.

Live Sport Live ne Facebook

Live Sport Live ne Facebook - https://www.facebook.com/LiveSportLive

Live Sport Live ne Facebook - https://www.facebook.com/LiveSportLive